Triptólemo

Na mitoloxía grega, Triptólemo era un semideus e un heroe que aprendeu de Deméter as artes da agricultura e á súa vez as ensinou aos gregos. Sempre relacionado coa Deméter dos misterios eleusinosque perduraron no mundo grego e romano ata a era cristiá.

                   Mentres buscaba á súa filla Perséfone, Deméter chegou a Eleusis  disfrazada como unha anciá. Alí coñeceu as fillas de Céleo, aos que contou que se facía chamar Doso, que era unha cretense que fora raptada por piratas e que podía realizar calquera tarefa doméstica que lle desen. Así coñeceu a Metanira, quen lle pediu que coidase do seu fillo Demofonte('matador de homes,'), irmán de Triptólemo. Deméter encariñouse co neno e, querendo facelo inmortal, polo día oungía con ambrosía coma se fose un deus e pola noite deitábao nu sobre carbóns incandescentes para quitarlle a súa carne mortal. Como Demofonte crecía máis do normal, Praxitea, unha mullereleusina, vixiou a Deméter e rematou por sorprendela mentres poñía o neno no lume. Entón berrou, e o neno foi consumido polas chamas. Segundo outras fontes, foi a propia Metanira quen vixiabaDeméter e quen a sorprendeu. Cando a oíu lamentarse, Deméterquitou o neno do lume e botouno ao chan dicindo:

                  Demofonte foi recollido do chan e as súas irmás lavárono e abrazaron amorosamente, pero non lograron consolalo, pois eran as súas mans menos destras. Foi entón cando Deméter se revelou como tal, cambiando a súa estatura e aspecto, apartando a súa vellez, e ensinou a Céleo e aos eleusinos os ritos que celebrarían na súa honra.

                   Deméter deu entón a Triptólemo grans de trigo e un carro alado dunha soa roda tirado por dragóns para que plantase as sementes dende o aire por toda a terra. Ensinouno, desta forma, a arte da agricultura. A través del, o resto de Grecia aprendeu a plantar e segar cultivos. Segundo algunhas versións, foi así como a deusa agradeceu a Triptólemo a información sobre a súa filla que este lle dera.

                    Cando Triptólemo ensinou a Linco, rei de Escitia, as artes da agricultura, este rexeitou ensinalas aos seus súbditos e tratou de matar a Triptólemo. Deméter transformouno en lince. Triptólemoestaba igualmente relacionado coa concesión de esperanza para a outra vida asociada coa expansión dos misterios eleusinos.

                    Á súa morte, Triptólemo tamén foi considerado como xuíz doinframundo.
O filósofo Porfirio atribúe a Triptólemo tres mandamentos para unha vida sinxela e piadosa: «Honrar aos teus pais», Honrar aos deuses con froitas» (para os gregos, as «froitas» incluían o gran) e «Respectar os animais».

Triptólemo en pé entre Deméter e Perséfone, recibindo espigas de trigo.